31న వరంగల్‌ ‘బార్‌’ ఎన్నికలు

వరంగల్‌ న్యాయవిభాగం, న్యూస్‌టుడే: వరంగల్‌ జిల్లా న్యాయవాదుల సంఘం ఎన్నికలు ఈ నెల 31న జరగనున్నాయి. దాదాపు 70 ఏళ్ల చరిత్ర కలిగిన వరంగల్‌ బార్‌ అసోసియేషన్‌, హనుమకొండ జిల్లా బార్‌ అసోసియేషన్‌గా విడిపోయిన విషయం తెలిసిందే. హనుమకొండ జిల్లా బార్‌ అసోసియేషన్‌కు ఇటీవల ఎన్నికల షెడ్యూల్‌ విడుదల చేసిన విషయం విదితమే. ఇటీవల జరిగిన సర్వసభ్య సమావేశంలో వరంగల్‌ జిల్లా బార్‌ అసోసియేషన్‌కు ఎన్నిక నిర్వహణకు ముగ్గురు న్యాయవాదులు చంద్రపాటి చిదంబర్‌నాద్‌, తాబేటి శ్రీదర్‌, వి.లలితకుమారితో కమిటీని నియమించింది. వీరు గురువారం ఎన్నికల షెడ్యూల్‌ విడుదల చేశారు. 723 మంది న్యాయవాదులు తమ ఓటు హక్కు వినియోగించుకోనున్నారు.    

* 23న న్యాయవాదుల సభ్యుల జాబితా విడుదల.

* 24న ఉదయం 11 నుంచి సాయంత్రం 4 గంటల వరకు కొత్త బార్‌(అంబేద్కర్‌) అసోసియేషన్‌ హాల్లో నామినేషన్ల స్వీకరణ.

* 25న  ఉదయం 11 నుంచి సాయంత్రం 4 గంటల వరకు నామినేషన్ల ఉపసంహరణ. తరువాత ఎన్నికల బరిలో ఉన్న అభ్యర్థుల పూర్తి జాబితా విడుదల.

* 28న నూతన బార్‌ అసోసియేషన్‌ హాల్లో మధ్యాహ్నం 2 నుంచి అభ్యర్థుల పరిచయ కార్యక్రమం.

* 31న నూతన బార్‌ అసోసియేషన్‌ హాల్లో ఉదయం 10 నుంచి సాయంత్రం 5 గంటల వరకు ఎన్నికలు. ఆరు గంటల నుంచి ఓట్ల లెక్కింపు అనంతరం ఫలితాల వెల్లడి.