‘భద్రకాళి’కి లక్ష పుష్పార్చన

వసంత నవరాత్ర మహోత్సవాల్లో భాగంగా రెండో రోజు శ్రీ భద్రకాళి అమ్మవారికి కాగడా మల్లె పూలతో లక్ష పుష్పార్చన నిర్వహించారు. గురువారం ఉదయం ప్రధానార్చకుడు శేషు ఆధ్వర్యంలో సుప్రభాత సేవ, నిత్యాహ్నికం, నవరాత్ర ఉత్సవం జపహోమార్చనాభిషేకాలు నిర్వహించారు. అనంతరం భద్రకాళి దేవస్థానం వేద విద్యార్థులు, వేద పండితులు, అర్చకుల మంత్రోచ్ఛారణలతో అమ్మవారికి కాగడా మల్లె పూల(కాశీ మల్లెలు)తో పుష్పార్చన చేశారు. భద్రకాళి దేవాలయంలోని శ్రీ వీరాంజనేయస్వామి దేవాలయంలో ఆరాధన నిమిత్తం హైదరాబాద్‌ ఉప్పల్‌ రామాలయం వంశపారంపర్య ధర్మకర్త వేనాతుకూరి రాఘవదాస్‌ హనుమంతుడు, లక్ష్మణుడు, సీతా సమేత రామచంద్రస్వామి పంచలోహమూర్తులను బహూకరించారు. ప్రతిష్ఠాపన పూజలు వైభవంగా నిర్వహించారు.

రంగంపేట, న్యూస్‌టుడే