బాలికల ఆత్మరక్షణకు కరాటే అవసరం

బెల్టులు పొందిన విద్యార్థినులతో సీఐ రాజు, పీవై లక్ష్మి, అబ్బు

ఏటూరునాగారం, న్యూస్‌టుడే: బాలికల ఆత్మరక్షణకు కరాటే ఎంతగానో అవసరమని ఏటూరునాగారం సీఐ ఎం.రాజు అన్నారు. ఆదివారం స్థానిక కస్తూర్బా గాంధీ బాలికా విద్యాలయంలో కరాటే పోటీలు నిర్వహించారు. 29 మందికి పసుపు బెల్టు, 19 మందికి నారింజ బెల్టులు ప్రదానం చేశారు. క్రమశిక్షణ అలవర్చుకుని ఉన్నత చదువులు చదివి ఉత్తమ ఉద్యోగాలు సాధించాలన్నారు. ఏదైనా ఇబ్బంది ఎదురైతే 100 నెంబరుకు కాల్‌ చేసి పోలీసుల సాయం తీసుకోవాలని చెప్పారు. కరాటే మాస్టర్‌ అబ్బు, పాఠశాల ప్రత్యేకాధికారి పీవై.లక్ష్మి తదితరులు పాల్గొన్నారు.