‘సులక్ష్య’ సేవలు అభినందనీయం

సమావేశంలో మాట్లాడుతున్న లక్ష్మీనారాయణ

హనుమకొండ కలెక్టరేట్‌, న్యూస్‌టుడే: సామాజిక సేవలో సులక్ష్య సేవా సమితి సేవలు అభినందనీయమని సీబీఐ మాజీ జేడీ వి.వి.లక్ష్మీనారాయణ అన్నారు. సమితి పదో వార్షికోత్సవం వాగ్దేవి కళాశాల ఆడిటోరియంలో నిర్వహించారు. ముఖ్య అతిధిగా హాజరైన లక్ష్మీనారాయణ మాట్లాడుతూ రాజకీయ వ్యవస్థలో ప్రజలు భాగస్వాములు కావాలన్నారు. స్వచ్ఛంద సంస్థలు ప్రభుత్వాలతో సమానంగా పని చేసినప్పుడే ప్రజల అవసరాలు తీరుతాయన్నారు. సులక్ష్య లాంటి సంస్థలు ఎంతోమందికి ప్రేరణగా నిలుస్తాయన్నారు. ఐఆర్‌ఎస్‌ అధికారి సందీప్‌ మాట్లాడుతూ ఎందరికో వెలుగులు నింపుతున్న సమితిని ఆయన ప్రశంసించారు. సమితి వ్యవస్థాపకుడు మండువ సంతోష్‌, సమాచార హక్కు ఉద్యమకర్త రాకేష్‌, కౌశిక్‌ భూపతి, శాంత, సాయికిరణ్‌, వినయ్‌, వంశీ, వికాస్‌ పాల్గొన్నారు.