రామప్పలో ఇంటాక్‌ సభ్యుల సందడి

వెంకటాపూర్‌, న్యూస్‌టుడే: యునెస్కో గుర్తింపు పొందిన రామప్పను ఆదివారం హైదరాబాద్‌ ఇంటాక్‌ బృందం సభ్యులు సందర్శించారు. రామలింగేశ్వర స్వామికి పూజలు నిర్వహించారు. ఆలయ ప్రత్యేకత గురించి ఇంటాక్‌ కన్వీనర్‌ అనురాధరెడ్డితో కలిసి తెలుసుకున్నారు. అద్భుత శిల్పాలను వారి కెమెరాల్లో బంధించుకున్నారు. సామూహికంగా ఫొటోలు దిగారు. ఆలయ ప్రాంగణంలో కాసేపు గడిపి వెళ్లారు. వీరితో పాటు రాష్ట్రంలోని నలుమూలల నుంచి భక్తులు అధిక సంఖ్యలో తరలివచ్చి రామప్పలో గడిపి వెళ్లారు.