మెలకువలు పాటిస్తే పాల ఉత్పత్తి పెంపు

ప్రసంగిస్తున్న పాల నాణ్యత నియంత్రణ  అధికారి రమేశ్‌

జనగామ రూరల్‌, న్యూస్‌టుడే: పాడి రైతులు పాల ఉత్పత్తి, నాణ్యతను పెంచేందుకు మెలకువలు పాటించాలని తెలంగాణ రాష్ట్ర పాల నాణ్యత నియంత్రణ అధికారి రమేశ్‌ అన్నారు. జనగామలోని పాల శీతలీకరణ కేంద్రంలో పాల ఉత్పత్తి, నాణ్యతను పెంపొందించేందుకు తీసుకోవాల్సిన చర్యలపై పాడి రైతులకు బుధవారం శిక్షణ కార్యక్రమాన్ని నిర్వహించారు. విజయ డెయిరీ డిప్యూటీ డైరెక్టర్‌ ధనరాజ్‌ అధ్యక్షత వహించగా.. రమేశ్‌ మాట్లాడారు. పశువులకు ప్రొటీన్‌  కలిగిన గడ్డిని మేతగా వాడాలని, ప్రతి రోజు శుభ్రమైన నీరందించాలని, మినరల్‌ మిక్షర్‌, కాల్షియం అందించాలని, నాలుగు నెలలకోసారి నట్టల మందులు వేయించాలని సూచించారు. కార్యక్రమంలో జిల్లా మేనేజర్‌ హరికృష్ణ, స్టేషన్‌ఘన్‌పూర్‌, సింగరాజుపల్లి మేనేజర్లు లింగాలరెడ్డి, లక్ష్మి, క్షేత్ర అధికారులు, సూపర్‌ వైజర్లు, సొసైటీల అధ్యక్షులు, కార్యదర్శులు పాల్గొన్నారు.