రాహుల్‌జీ మా ఇంటికి రండి..

రంగంపేట, న్యూస్‌టుడే: ‘రాహుల్‌ జీ.. మా ఇంటికి రండి’ అంటూ ఏఐసీసీ అగ్రనేత రాహుల్‌గాంధీని హనుమకొండ జిల్లా కాంగ్రెస్‌ అధ్యక్షుడు నాయిని రాజేంద్‌రెడ్డి  సాదరంగా ఆహ్వానించారు. కేంద్రంలోని భాజపా ప్రభుత్వం రాహుల్‌గాంధీ లోకసభ సభ్యత్వం రద్దు చేసిందని, ప్రభుత్వ బంగ్లాను ఖాళీ చేయాలని నోటీసులు జారీ చేసిన నేపథ్యంలో హనుమకొండ నయీంనగర్‌ జాగృతి కాలనీలో బుధవారం తన ఇంటి గోడపై రాహుల్‌ గాంధీ నివాసం అంటూ చిత్రపటం ఏర్పాటుచేసి ఆహ్వానించారు.  రాహుల్‌ గాంధీ మా గుండెల్లో ఉన్నారని, 130 కోట్ల ప్రజానీకం తలుపులు తెరిచి ఆహ్వానిస్తున్నారని రాజేందర్‌రెడ్డి తెలిపారు.