‘స్ప్రింగ్‌ స్ప్రీ’కి 8 వేల మంది..

సమావేశంలో మాట్లాడుతున్న ఆచార్య రమణారావు

నిట్ క్యాంపస్‌, న్యూస్‌టుడే : ఏప్రిల్‌ 7 నుంచి మూడు రోజుల పాటు కళాధ్వని థీమ్‌తో ‘స్ప్రింగ్‌ స్రీˆ్ప’ వేడుకలు నిర్వహించనున్నట్లు వరంగల్‌ నిట్ సంచాలకుడు ఆచార్య ఎన్వీ.రమణారావు పేర్కొన్నారు. నిట్లో గురువారం ఏర్పాటు చేసిన విలేకరుల సమావేశంలో ఆయన మాట్లాడారు. వివిధ విద్యా సంస్థల నుంచి సుమారు 8 వేల మంది విద్యార్థులు వేడుకలకు హాజరవుతారని తెలిపారు. ప్రారంభోత్సవానికి సినీనటుడు పవన్‌ కల్యాణ్‌ ముఖ్యఅతిథిగా వస్తున్నారని చెప్పారు. మూడు రోజుల పాటు 55 ఈవెంట్లు, ప్రోషోలు జరుగుతాయన్నారు. స్టూడెంట్ వెల్ఫేర్‌ డీన్‌ ఆచార్య రవికుమార్‌, ఫ్యాకల్టీ అడ్వైజర్‌ ఆచార్య హీరాలాల్‌, సివిల్‌ ఇంజినీరింగ్‌ సమన్వయకర్తలు వంశీకిషోర్‌, అజయ్‌ కుమార్‌, పీయాష్‌ కుమార్‌, సాయి గురునాథ్‌, ఆచార్య ఆనంద్‌ కిషోర్‌ కోలా, పవన్‌ కల్యాణ్‌ ఈవెంట్ మేనేజర్‌ డాక్టర్‌ నరేందర్‌ నాయక్‌ తదితరులున్నారు.