భద్రకాళి తీరంలో పడవ ప్రయాణం

వరంగల్‌ సాంస్కృతికం న్యూస్‌టుడే: సముద్ర తీరాలు, సరస్సుల వద్ద పర్యాటకులు పడవలో ప్రయాణించాలని మురిసిపోతుంటారు. ఉమ్మడి వరంగల్‌ జిల్లాలో రామప్ప, పాకాల, లక్నవరం సరస్సుల్లో పర్యాటక శాఖ బోటులో ప్రయాణించే సౌకర్యం కల్పించింది. ఓరుగల్లు నగరంలో తొలిసారిగా పడవ సేవలు అందుబాటులోకి రానున్నాయి. భద్రకాళి సరస్సులో పర్యాటక శాఖ ఆధ్వర్యంలో బోటు సేవలు అందుబాటులోకి తేనున్నారు. 30 మంది ప్రయాణించేందుకు బోటు సిద్ధం చేశారు. ఈ నెల 27న ప్రపంచ పర్యాటక దినోత్సవం సందర్భంగా ప్రారంభించనున్నట్లు ఉమ్మడి వరంగల్‌ జిల్లా పర్యాటకశాఖ అధికారి శివాజీ తెలిపారు.