ఆత్మీయ సమ్మేళనం

హాజరైన పట్టభద్రులు

వాండ్రం (ఉండి), న్యూస్‌టుడే: వాండ్రం గ్రామంలో సంక్రాంతి సందర్భంగా శుక్రవారం పట్టభద్రుల ‘ఆత్మీయ సమ్మేళనం’ కార్యక్రమాన్ని నిర్వహించారు. కర్ణాటక, తెలంగాణ, తమిళనాడు తదితర రాష్ట్రాల్లో వివిధ రంగాల్లో స్థిరపడిన గ్రామానికి చెందినవారంతా ఒక చోట చేరి సందడి చేశారు. భోగి మంట వేసి ఉత్సాహంగా గడిపారు. ఈ సందర్భంగా ఏర్పాటు చేసిన సభలో సర్పంచి దాసరి వెంకటకృష్ణ మాట్లాడుతూ గ్రామాభివృద్ధికి చేయూతనివ్వాలని పిలుపునిచ్చారు. ఈ మేరకు పట్టభద్రులంతా ప్రతిజ్ఞ చేశారు. అనంతరం విశ్రాంత ఉపాధ్యాయుడు, లయన్స్‌ క్లబ్‌ మాజీ అధ్యక్షుడు పెన్మెత్స కృష్ణంరాజు, సర్పంచి వెంకటకృష్ణ, సత్యనారాయణ, పెన్మెత్స రామకృష్ణ ఆంజనేయరాజులను సన్మానించారు. వడ్డి వేణుగోపాలకృష్ణ, నల్లం వెంకటేష్‌, కృష్ణారావు తదితరులు పాల్గొన్నారు.