ఔషధాల ధరలు నియంత్రించండి

నినాదాలు చేస్తున్న మెడికల్‌ రిప్రజెంటేటివ్‌ల సంఘ సభ్యులు

భీమవరం సాంస్కృతికం, న్యూస్‌టుడే: అత్యవసర ఔషధాల ధరలు నియంత్రించాలని, ఆన్‌లైన్‌ విక్రయాలను నిలిపివేయాలని కోరుతూ ఏపీ మెడికల్‌ అండ్‌ సేల్స్‌ రిప్రజెంటేటివ్స్‌ సంఘం సభ్యులు బుధవారం సమ్మె చేశారు. భీమవరంలో తాలూకాఫీసు కూడలిలో నిర్వహించిన నిరసన ప్రదర్శనలో సంఘం పట్టణశాఖ అధ్యక్షుడు ఎస్‌.శిరీష్‌కుమార్‌ ఆధ్వర్యంలో సభ్యులు పాల్గొని తమ న్యాయమైన డిమాండ్లను పరిష్కరించాలంటూ నినాదాలు చేశారు. సంఘం ఉపాధ్యక్షుడు ఎస్‌.శ్రీనివాస్‌, కార్యదర్శి కె.సూర్యచంద్రరాజు పాల్గొన్నారు. యూటీఎఫ్‌ నాయకుడు గోపిమూర్తి, ఉద్యోగుల సంఘం అధ్యక్షుడు ప్రసాద్‌, సీఐటీయూ నాయకులు, వైద్యులు వారికి సంఘీభావం తెలిపారు.