మంచి ఫలితాలు సాధించాలి: కలెక్టర్‌

విద్యార్థులతో కూర్చొని పాఠం వింటున్న కార్తికేయ మిశ్రా

ఏలూరు గ్రామీణ, న్యూస్‌టుడే: విద్యార్థులు మంచి ఫలితాలు సాధించేలా ఉపాధ్యాయులు నాణ్యమైన విద్యను అందించాలని కలెక్టర్‌ కార్తికేయ మిశ్రా సూచించారు. సత్రంపాడు జడ్పీ ఉన్నత పాఠశాలను ఆయన శనివారం ఆకస్మికంగా సందర్శించి తనిఖీ చేశారు. సైన్స్‌, గణితం, సాంఘికశాస్త్రాలకు సంబంధించిన పాఠ్యాంశాల్లోని పలు ప్రశ్నలకు సమాధానాలు అడిగి విద్యార్థుల సామర్థ్యాలు తెలుసుకున్నారు. బోర్డుపై మ్యాప్‌ పాయింటింగ్‌ చేయించారు. విద్యార్థులతో కూర్చొని పాఠ్యాంశాలను విన్నారు. కలెక్టర్‌ అడిగిన ప్రశ్నలకు వారు సరిగా సమాధానాలు చెప్పటంతో ఆయన సంతృప్తి చెందారు. కార్యక్రమంలో డీఈవో రేణుక, ప్రధానోపాధ్యాయుడు మురళీకృష్ణ, ఉపాధ్యాయులు పాల్గొన్నారు.