28న నరసాపురం సంపూర్ణ బంద్‌

సమావేశమైన అఖిల పక్ష నాయకులు

నరసాపురం, న్యూస్‌టుడే: నరసాపురం జిల్లాకు నరసాపురాన్నే జిల్లా కేంద్రంగా ప్రకటించాలని డిమాండ్‌ చేస్తూ ఈ నెల 28న పట్టణ సంపూర్ణ బంద్‌కు పిలుపునిచ్చినట్లు అఖిలపక్ష కమిటీ కన్వీనర్‌ నెక్కంటి సుబ్బారావు తెలిపారు. జిల్లా కేంద్రంగా భీమవరాన్ని ప్రభుత్వం ప్రకటించడాన్ని నిరసిస్తూ పార్టీలకు అతీతంగా స్థానిక తెలగా కల్యాణ మండపంలో బుధవారం అఖిలపక్ష నాయకుల సమావేశం నిర్వహించారు. ఈ సందర్భంగా జిల్లా కేంద్రం సాధించడానికి చేపట్టాల్సిన కార్యాచరణపై చర్చించారు. ఈ నెల 27న స్థానిక ఎమ్మెల్యే ప్రసాదరాజు, అధికారులకు వినతిపత్రాలు అందజేయడం, 28న నరసాపురం సంపూర్ణ బంద్‌కు పిలుపునిచ్చినట్లు వెల్లడించారు.