ధాన్యానికి డబ్బులివ్వలేని స్థితిలో ప్రభుత్వం: నిమ్మల

మాట్లాడుతున్న ఎమ్మెల్యే రామానాయుడు

పాలకొల్లు, న్యూస్‌టుడే: రైతులు ఆరుగాలం శ్రమించి పండించిన పంటలకు గిట్టుబాటు ధర ఇవ్వక పోగా.. విక్రయించిన ధాన్యానికి కూడా డబ్బులివ్వ లేని ప్రభుత్వం రాష్ట్రంలో కొనసాగుతోందని పాలకొల్లు ఎమ్మెల్యే నిమ్మల రామానాయుడు విమర్శించారు. పాలకొల్లులో గురువారం నిర్వహించిన నియోజకవర్గ స్థాయి రైతు విభాగం సమావేశంలో ఆయన పాల్గొని మాట్లాడారు. తెదేపా హయాంలో కర్షకులకు జరిగిన లబ్ధితో నేటి ప్రభుత్వం చేసిన మేలును పోల్చి చూపాలని తెలుగు రైతు నాయకులకు సూచించారు. నాయకులు బోణం నాని, రుద్రరాజు సత్యనారాయణరాజు, గొట్టుముక్కల సూర్యనారాయణరాజు, మామిడిశెట్టి పెద్దిరాజు, కోడి విజయభాస్కర్‌, జీవీ తదితరులు పాల్గొన్నారు.