29 టన్నుల రేషన్‌బియ్యం పట్టివేత

కలపర్రులో విజిలెన్స్‌ శాఖ అధికారులు పట్టుకున్న రేషన్‌ బియ్యం లారీ

పెదపాడు, న్యూస్‌టుడే: పెదపాడు మండలం కలపర్రు టోల్‌ప్లాజా వద్ద లారీలో అక్రమంగా తరలిస్తున్న 29 టన్నుల రేషన్‌ బియ్యాన్ని గురువారం తెల్లవారుజామున పట్టుకున్నట్లు విజిలెన్స్‌ ఎస్సై రంజిత్‌కుమార్‌ తెలిపారు. తెలంగాణ రాష్ట్రం ఖమ్మంకు చెందిన ఆత్మకూరి జగదీష్‌, తంగెళ్లపల్లి కిషోర్‌లు బియ్యాన్ని తరలిస్తుండగా వాహన తనిఖీల్లో గుర్తించి పట్టుకున్నామన్నారు. బియ్యాన్ని పౌరసరఫరాల శాఖ పెదపాడు డిప్యూటీ తహశీల్దారు ప్రమోద్‌కుమార్‌కు,  జగదీష్‌, కిషోర్‌లను, లారీని పెదపాడు పోలీసులకు అప్పగించినట్లు తెలిపారు. తనిఖీల్లో కలపర్రు వీఆర్వో వెంకటేశ్వరరావు, రెవెన్యూ సిబ్బంది పాల్గొన్నారు.