పర్యాటక ప్రదేశాలకు ప్రత్యేక రైలు

ఏలూరు అర్బన్‌, న్యూస్‌టుడే: దేశంలో ప్రసిద్ధిగాంచిన పర్యాటక ప్రదేశాలకు ప్రత్యేక రైలు నడపనున్నట్లు భారతీయ రైల్వే అనుబంధ సంస్థ ఐఆర్‌సీటీసీ డీజీఎం కిషోర్‌ తెలిపారు. స్థానిక పెద్ద రైల్వే స్టేషన్లో గురువారం నిర్వహించిన పాత్రికేయుల సమావేశంలో ఆయన మాట్లాడుతూ ‘స్వదేశీ దర్శన్‌ పర్యాటక రైలు’ పేరుతో మహాలయ పిండ ప్రదాన యాత్రను ఈ నెల 15వ తేదీ ఉదయం 5 గంటలకు సికింద్రాబాద్‌ నుంచి ప్రారంభమవుతుందన్నారు.  ఈ రైలు విజయవాడ, విశాఖపట్నం, భువనేశ్వర్‌ మీదుగా గయ, వారణాసి, ప్రయాగ్‌ సంగం పర్యటించి 20వ తేదీ రాత్రికి తిరిగి చేరుకుంటుందన్నారు. ప్రభుత్వ ఉద్యోగులకు ఎల్‌టీసీ సదుపాయం ఉంటుందన్నారు. ఈ రైలులో ప్రయాణించదలిచిన వారు ‌www.irctctourism.com వెబ్‌సైట్‌ ద్వారా టికెట్లు బుక్‌ చేసుకోవచ్చని తెలిపారు. లేదా 82879 32312, 97013 60675 నంబర్లలో సంప్రదించవచ్చన్నారు.