మిస్‌ ఇండియా యూఎస్‌ఏ రన్‌రప్‌గా సంజన

పెనుగొండ గ్రామీణ, న్యూస్‌టుడే: ఇటీవల అమెరికాలో జరిగిన 2022 మిస్‌ ఇండియా యూఎస్‌ఏ పోటీల్లో పెనుగొండ మండలం ఇలపర్రు గ్రామానికి చెందిన సంజన రెండో రన్‌రప్‌గా నిలిచినట్లు కుటుంబ సభ్యులు తెలిపారు. ఇలపర్రు గ్రామానికి చెందిన చేకూరి పేర్రాజు కృష్ణవేణిల కుమారుడు, కోడలు చేకూరి రంగరాజు మధులు 20 ఏళ్ల నుంచి అమెరికాలో నివాసం ఉంటున్నారని వారి కుమార్తె సంజన మిస్‌ 2022 పోటీలలో పాల్గొని రన్‌రప్‌గా నిలిచిందన్నారు. ప్రస్తుతం సంజన ఎంఎస్‌ చదువుతున్నట్లు చెప్పారు. సంజన తనకు మేనకోడలవుతుందని ఇలపర్రు సర్పంచి దండు పద్మావతి వెల్లడించారు.