అభివృద్ధి పనులను త్వరితగతిన పూర్తి చేయాలి: జడ్పీ ఛైర్మన్‌

మాట్లాడుతున్న శ్రీనివాస్‌

ఏలూరు వన్‌టౌన్‌, న్యూస్‌టుడే: ప్రజలకు సుపరిపాలన అందించే దిశగా కృషి చేస్తున్నామని జడ్పీ ఛైర్మన్‌ కవురు శ్రీనివాస్‌ పేర్కొన్నారు. జడ్పీ ఛైర్మన్‌ ఛాంబర్‌లో ఉమ్మడి జిల్లా జడ్పీటీసీ సభ్యులు, అధికారులతో శనివారం స్థాయి కమిటీ సమావేశాలు నిర్వహించారు. మండలాలకు కేటాయించిన జడ్పీ నిధులతో తాగునీరు, రహదారులు, డ్రెయినేజీ సమస్యలను పరిష్కారమయ్యేలా చూడాలన్నారు. ప్రస్తుతం జరుగుతున్న పనులను త్వరితగతిన పూర్తి చేయాలని సూచించారు. అనంతరం ఆర్థిక, ప్రణాళిక, గ్రామీణాభివృద్ధి, విద్య, వైద్యం, ఇళ్ల నిర్మాణం, దేవాదాయ, కార్మికశాఖ, సాంఘిక సంక్షేమశాఖ, వ్యవసాయం, పౌరసరఫరాల తదతర శాఖల అంశాల్లో జరిగిన పురోగతిపై చర్చించారు. సీఈవో రవికుమార్‌ పాల్గొన్నారు.