మహిళలు స్వశక్తితో ఎదగాలి

నమూనా చెక్కును అందిస్తున్న  కలెక్టర్‌ ప్రశాంతి

భీమవరం అర్బన్‌, న్యూస్‌టుడే:  ప్రభుత్వం ఇస్తున్న ప్రోత్సాహకాలను సద్వినియోగం చేసుకుని మహిళలు స్వశక్తితో ఆర్థిక స్వావలంబన సాధించాలని కలెక్టర్‌ ప్రశాంతి అన్నారు. వైఎస్‌ఆర్‌ చేయూత కార్యక్రమాన్ని కలెక్టరేట్‌లో శుక్రవారం నిర్వహించారు. తొలుత కుప్పంలో జరిగిన ముఖ్యమంత్రి కార్యక్రమాన్ని ఆన్‌లైన్లో వీక్షించారు. అనంతరం చేయూత లబ్ధిదారులకు నమూనా చెక్కును అందజేసి మాట్లాడారు. ఈ పథకం మూడో విడత కింద జిల్లాలో 81,294 మందికి రూ.152.42 కోట్లు జమైనట్లు వెల్లడించారు. డీఆర్‌డీఏ పీడీ వేణుగోపాల్‌, నరసాపురం డీఎల్‌డీవో అప్పారావు, భీమవరం ఎంపీపీ విజయనర్సింహరాజు తదితరులు పాల్గొన్నారు.