వ్యాధి నయం కాలేదని ఆత్మహత్య

కలిదిండి, న్యూస్‌టుడే: అనారోగ్య సమస్యలు తాళలేక ఓ వ్యక్తి ఆత్మహత్యకు పాల్పడినట్లు ఎస్సై మణికుమార్‌ తెలిపారు. ఆయన తెలిపిన వివరాల మేరకు.. కోరుకొల్లు గ్రామానికి చెందిన నున్న భోగేశ్వరరావు (52) కొంతకాలంగా నరాలకు సంబంధించిన వ్యాధితో బాధ పడుతున్నారు. చికిత్స తీసుకుంటున్నా ఎంతకీ వ్యాధి నయం కాకపోవడంతో మనస్తాపంతో ఈ నెల 24న శీతలపానీయంలో నిద్రమాత్రలు కలిపి తాగారు. అపస్మారక స్థితికి చేరుకున్న ఆయన్ను కుటుంబ సభ్యులు తొలుత కైకలూరు ప్రభుత్వ ఆసుపత్రికి, అక్కడి నుంచి మెరుగైన చికిత్స నిమిత్తం కృష్ణాజిల్లా గుడివాడకు తరలించారు. అక్కడ చికిత్స పొందుతూ భోగేశ్వరరావు ఆదివారం మృతి చెందారు. భార్య నాగమణి ఫిర్యాదు మేరకు కేసు నమోదు చేసినట్లు ఎస్సై చెప్పారు.