సమాజ పరిరక్షణకు కళలు దోహదం

కళాకారులతో లక్ష్మీప్రసాద్, బుద్ధ ప్రసాద్, సాబ్జీ తదితరులు

ఏలూరు గ్రామీణ, న్యూస్‌టుడే: సమాజ పరిరక్షణకు కళలు, సంస్కృతీసంప్రదాయాలు దోహదపడతాయని రాష్ట్ర అధికార భాషా సంఘం మాజీ అధ్యక్షుడు యార్లగడ్డ లక్ష్మీప్రసాద్‌ అన్నారు. కేవీఎస్‌ ట్రస్టు, హిందూ యువజన సంఘం సంయుక్తంగా ఇక్కడి వైఎంహెచ్‌ హాల్లో సోమవారం నిర్వహించిన కె.వి.సత్యనారాయణ ప్రతిభా పురస్కారాల ప్రదానోత్సవ కార్యక్రమంలో ఆయన పాల్గొని మాట్లాడారు. అనంతరం ప్రొఫెసర్‌ భాగవతుల సేతురామ్, మద్దాలి ఉషాగాయత్రి, నాట్యాచారిణి ఎ.పార్వతీరామచంద్రన్, కళాకారుడు రఘుపాత్రుని శ్రీకాంత్‌లను పురస్కారాలతో ఘనంగా సత్కరించారు. ఈ సందర్భంగా ప్రదర్శించిన చిన్నారుల కూచిపూడి, జానపద నృత్యాలు ఆకట్టుకున్నాయి. శాసనసభ మాజీ స్పీకర్‌ మండలి బుద్ధ ప్రసాద్, ఎమ్మెల్సీ షేక్‌ సాబ్జి, వైయంహెచ్‌ఏ అధ్యక్షుడు యర్రా సోమలింగేశ్వరరావు, కార్యదర్శి మజ్జి కాంతారావు, సభ్యులు తదితరులు పాల్గొన్నారు.