రైలు ఢీకొని ఇద్దరి మృతి

తణుకు, న్యూస్‌టుడే: గుర్తు తెలియని రైలు ఢీకొని ఇద్దరు మృతి చెందిన ఘటన తణుకు రైల్వే స్టేషన్‌ సమీపంలో శనివారం తెల్లవారుజామున చోటు చేసుకుంది. రైల్వే పోలీసుల కథనం ప్రకారం.. తణుకు ఆర్వోబీ కింద రైలు పట్టాలపై ఇద్దరు విగత జీవులుగా పడి ఉండటాన్ని గుర్తించిన స్థానికులు రైల్వే పోలీసులకు సమాచారం ఇచ్చారు. తాడేపల్లిగూడెం ఇన్‌ఛార్జి ఎస్సై జి.శ్రీహరిబాబు ఘటన స్థలాన్ని పరిశీలించారు. మృతుల్లో ఒకరికి సుమారు 46 ఏళ్లు,  మరొకరికి 40 ఏళ్ల వయసు ఉంటుంది. మృతదేహాలను తణుకు జిల్లా కేంద్ర ఆసుపత్రిలో భద్రపర్చారు. వివరాలకు 9573891737 నంబర్‌ను సంప్రదించాలని ఎస్సై కోరారు. సీసాలు, అట్టలు ఏరుకునేవారై ఉండొచ్చని పోలీసులు భావిస్తున్నారు.