విశిష్ట విహంగం పర్పుల్‌ హెరాన్‌

కొల్లేరు అతిథి

కైకలూరు గ్రామీణం, న్యూస్‌టుడే: కొల్లేరుకు వలస వచ్చే విశిష్ట అతిథి పర్పుల్‌ హెరాన్‌ (ఎర్ర నారాయణ పక్షి). ఇవి నారాయణ పక్షిని పోలి 500 గ్రాముల నుంచి 1.5 కిలోల వరకు బరువు ఉంటాయి. ఇవి ఊదా, గోధుమ, ముదురు ఎరుపు రంగుల్లో కనిపిస్తాయి. సూది వంటి ముక్కు, పసుపు రంగులో కళ్లు, కాళ్లు ఉంటాయి. మనదేశంతో పాటు శ్రీలంక, చైనా, బూటాన్‌, కంబోడియా, ఆఫ్రికా దేశాల్లో కనిపిస్తాయి. సరస్సులు, నదులు, ఉప్పునీటి కయ్యలలో ఎక్కువగా ఉంటాయి. 4-5 గుడ్లు పెట్టి 21 రోజులు పొదిగి పిల్లలను చేస్తాయి. ఆహారంగా చేపలు, పురుగులను తీసుకుంటాయి. కొల్లేరులో సుమారు 5 వేల వరకు ఈ రకం పక్షులు ఉన్నట్లు అటవీశాఖ అధికారులు తెలిపారు.