జిల్లా రోడ్లపై ఉయ్యాల.. జంపాల!

కొయ్యలగూడెం రోడ్‌షోకు హాజరైన జనం

పోలవరం, కొయ్యలగూడెం గ్రామీణ, న్యూస్‌టుడే: జిల్లాలో రోడ్ల దుస్థితిపై చంద్రబాబు వ్యంగ్యాస్త్రాలు సంధించారు. కొయ్యలగూడెంలో జరిగిన రోడ్‌షోలో ఆయన మాట్లాడుతూ జిల్లా పర్యటనలో తొలిరోజు బుధవారం కలపర్రు నుంచి చింతలపూడి, అక్కడి నుంచి జీలుగుమిల్లికి ప్రయాణించేసరికి ఒళ్లు హూనమైందన్నారు. నడుం నొప్పితో రాత్రంతా సరిగ్గా నిద్రపట్టలేదని తెలిపారు. మక్కినవారిగూడెం నుంచి జీలుగుమిల్లి వరకు రోడ్డుపై ఉయ్యాలా.. జంపాలా అన్నట్టు ఊగాల్సి వచ్చిందన్నారు. ఒక్కరోజు ప్రయాణానికే నా పరిస్థితి ఇలా ఉంటే రోజూ తిరిగే మీ పరిస్థితి ఏమిటని ప్రజలను ప్రశ్నించారు. రహదారుల దుస్థితిపై ప్రభుత్వాన్ని నిలదీయాలని సూచించారు.