ధాన్యాన్ని కొనలేని ప్రభుత్వమిది: గన్ని

రైతులతో మాట్లాడుతున్న వీరాంజనేయులు

భీమడోలు, న్యూస్‌టుడే: రైతుల నుంచి ధాన్యాన్ని సక్రమంగా కొనుగోలు చేయలేని ప్రభుత్వం వెంటనే గద్దె దిగాలని తెదేపా జిల్లా అధ్యక్షుడు గన్ని వీరాంజనేయులు మండిపడ్డారు. ‘ఇదేం ఖర్మ.. మన రాష్ట్రానికి’ నిరసన కార్యక్రమంలో భాగంగా గుండుగొలను తదితర గ్రామాల్లో ఆదివారం ఆయన  తెదేపా నాయకులతో కలిసి పర్యటించారు. రహదారుల వెంబడి ధాన్యం ఆరబోసుకుంటున్న రైతులతో మాట్లాడి సమస్యలపై ఆరా తీశారు. ఈ సందర్భంగా గన్ని మాట్లాడుతూ రైతుల కష్టాలు చూసి కూడా అధికార పార్టీ నాయకులు, ప్రజాప్రతినిధులు నటిస్తున్నారని విమర్శించారు. కార్యక్రమంలో ఆ పార్టీ మండల అధ్యక్షుడు శిరిబత్తిన వీరవెంకటసత్యనారాయణ, కార్యకర్తలు  పాల్గొన్నారు.