జిల్లా మారినా రాత మారదే..

కళాశాల ముఖద్వారం

ముదినేపల్లి, న్యూస్‌టుడే: జిల్లాల పునర్విభజనలో కైకలూరు నియోజకవర్గాన్ని ఏలూరు జిల్లాలోకి చేర్చారు. ఇది జరిగి దాదాపు పదినెలలు కావస్తున్నా నేటికీ పలు శాఖల కార్యాలయాల బోర్డులపై జిల్లా పేరును మార్చలేదు. పలు చోట్ల కృష్ణాజిల్లా పేరుకు రంగు వేసి నూతన జిల్లా పేరు రాయకుండా వదిలేయగా, కొన్ని కార్యాలయాలపై మాత్రం పాత కృష్ణా జిల్లా పేరే దర్శనమిస్తోంది. ఇటీవల కాలంలో పలువురు ఉన్నతాధికారులు ఈ కార్యాలయాలను పరిశీలించినా ఈ విషయాన్ని పట్టించుకోలేదు. ఇప్పటికైనా ఉన్నతాధికారులు జిల్లా పేర్లు మార్చేలా చర్యలు తీసుకోవాలని పలువురు కోరుతున్నారు.