ద్విచక్ర వాహనాల దొంగ అరెస్టు

పోలీసులు స్వాధీనం చేసుకున్న వాహనాలు

తణుకు, న్యూస్‌టుడే : ద్విచక్ర వాహనాల దొంగను అరెస్టు చేసి అతడి నుంచి రూ. 6.30 లక్షల విలువైన తొమ్మిది వాహనాలను పట్టణ పోలీసులు స్వాధీనం చేసుకున్నారు. తణుకు పట్టణ సర్కిల్‌ కార్యాలయంలో శనివారం నిర్వహించిన సమావేశంలో సీఐ ముత్యాల సత్యనారాయణ వివరాలను వెల్లడించారు. డాక్టర్‌ బీఆర్‌ అంబేడ్కర్‌ కోనసీమ జిల్లా ఆత్రేయపురం మండలం ర్యాలీ గ్రామానికి చెందిన కర్రి సోమేశ్వరరావును స్థానిక సజ్జాపురం ఆర్వోబీ వంతెన వద్ద అదుపులోకి తీసుకుని విచారించారు. రాజోలు, తణుకు పట్టణ పోలీస్‌ స్టేషన్ల పరిధిలో ద్విచక్ర వాహనాలను దొంగిలించినట్లు నిందితుడు అంగీకరించాడు. అతని వద్ద నుంచి తొమ్మిది వాహనాలను స్వాధీనం చేసుకున్నారు.  కేసు ఛేదించిన ఏఎస్సై పోలయ్యకాపు, కానిస్టేబుల్‌ సత్యనారాయణ, వెలగేశ్వరరావు, రవి, గోవిందరావులను డీఎస్పీ రవిమనోహరచారి అభినందించారు.