60 మంది వైకాపా నేతల పక్కచూపులు

తెదేపా ఎమ్మెల్సీ అంగర

పాలకొల్లు, న్యూస్‌టుడే: ముఖ్యమంత్రి జగన్‌ అరాచకాలను తట్టుకోలేని 60 మందికి పైగా వైకాపా నేతలు పక్క పార్టీల వైపు చూస్తున్నారని ఎమ్మెల్సీ అంగర రామమోహన్‌  వ్యాఖ్యలు చేశారు. పాలకొల్లులో గురువారం ఆయన విలేకరులతో మాట్లాడుతూ సొంత పార్టీ ఎమ్మెల్యేల ఫోన్లనే ట్యాపింగ్‌ చేయిస్తున్న సీఎం మాట్లాడితే చంద్రబాబును వృద్ధుడని ఎగతాళి చేయడం విడ్డూరమన్నారు. ఆ మాటకొస్తే మనసూ మెదడు పనితీరులో సీఎం జగనే చంద్రబాబు కంటే వృద్ధుడన్నారు. తాను యువకుడిగా భావించే సీఎం రాష్ట్రాన్ని రూ.లక్షల కోట్ల అప్పుల్లోకి నెట్టడం మినహా చేసిందేంటని ప్రశ్నించారు. కేసుల కోసం రాష్ట్రాన్ని తాకట్టుపెట్టిన ఘనత సీఎం జగన్‌కే దక్కుతుందని, ప్రస్తుతం వైకాపా పాలన వెంటిలేటర్‌ మీద ఉందని, త్వరలో అంతిమయాత్ర తప్పదని విమర్శించారు.