అతివలకు ప్రత్యేకం

ఆకట్టుకుంటున్న ‘అడవికొలను’ ఆచారం

వస్తువులు కొనుగోలు చేస్తున్న మహిళలు

నిడమర్రు, న్యూస్‌టుడే: ఆకాశంలో సగం.. అవకాశంలో సగం అంటూ మహిళలకు ప్రాధాన్యం ఇస్తూ ప్రత్యేకత చాటుతోంది నిడమర్రు మండలంలోని అడవికొలను గ్రామం. ఏటా ఒకరోజు వారికి కేటాయిస్తూ.. విభిన్న సంప్రదాయాలకు ప్రతీకగా నిలుస్తోంది. శ్రీరామనవమి మరుసటి రోజు గ్రామంలో జరిగే ఉత్సవానికి మహిళలకు మాత్రమే అనుమతి ఇస్తుండటం పూర్వకాలం నుంచి వస్తోంది. ఈ నేపథ్యంలో శుక్రవారం గ్రామంలో నిర్వహించిన వేడుక అతివలకు ప్రత్యేకంగా నిలిచింది. ఈ సందర్భంగా ఏర్పాటు చేసిన దుకాణాల్లో ఇంట్లో సామగ్రితో పాటు వారికి కావాల్సిన వస్తువులు కొనుగోలు చేశారు. రాత్రి 7 నుంచి రాత్రి 12 గంటల వరకు ఈ దుకాణాలు నిర్వహించారు. వీటి వైపు పురుషులు వెళ్లకుండా కాపలా ఏర్పాటు చేశారు.