సంక్రాంతి నుంచి మావుళ్లమ్మ ఉత్సవాలు

పందిరి రాట పూజలో వర్తక సంఘం సభ్యులు, ప్రధానార్చకుడు

భీమవరం ఆధ్యాత్మికం, న్యూస్‌టుడే: భీమవరం పట్టణ ఇలవేల్పు మావుళ్లమ్మ ఆలయ 58వ వార్షిక మహోత్సవాలకు బుధవారం మధ్యాహ్నం పందిరి రాట వేసి అంకురార్పణ చేశారు. నీరుల్లి, కూరగాయ, పండ్ల వర్తక సంఘం మాజీ అధ్యక్షుడు రామాయణం గోవిందరావుతో ప్రధానార్చకుడు మద్దిరాల మల్లికార్జునశర్మ పూజలు చేయించారు. వచ్చే ఏడాది జనవరి 13న సంక్రాంతి రోజు నుంచి 30 రోజుల పాటు ఉత్సవాలు నిర్వహించనున్నట్లు కమిటీ సభ్యులు తెలిపారు. వర్తక సంఘం నాయకులు కొప్పుల సత్తిబాబు, కొప్పుల రంగారావు, నరహరిశెట్టి అబ్బులు తదితరులు పాల్గొన్నారు.