పుట్టిన ఊరికి సేవ చేయడం అభినందనీయం: మంత్రి

ల్యాబ్‌ ప్రారంభోత్సవంలో మాట్లాడుతున్న ఆళ్ల నాని

చింతలపూడి, న్యూస్‌టుడే: ఉన్నత స్థానాలకు ఎదిగినా పుట్టిన ఊరికి ఏదో ఒక రూపంలో సేవ చేయడం గొప్ప విషయం అని మంత్రి ఆళ్ల నాని అన్నారు. చింతలపూడి మండలం యర్రగుంటపల్లి ప్రాథమిక ఆరోగ్య కేంద్రంలో దాత తుమ్మూరి రాజశేఖరరెడ్డి రూ.75 లక్షలతో నిర్మించిన ల్యాబ్‌ను ఎమ్మెల్యే వీఆర్‌ ఎలీజాతో కలిసి గురువారం ఆయన ప్రారంభించారు.ప్రతి ఆసుపత్రిలో వైద్యులు, వైద్య సిబ్బంది ఉండేలా చర్యలు తీసుకుంటున్నామని తెలిపారు. అనంతరం రాజశేఖరరెడ్డి తల్లిదండ్రులను వారు సన్మానించారు. ఆర్డీవో రచన, డీసీహెచ్‌ఎస్‌ మోహన్‌ పాల్గొన్నారు.