త్రుటిలో తప్పిన ప్రమాదం

అద్దాలు పగిలిన ఆర్టీసీ బస్సు

జంగారెడ్డిగూడెం గ్రామీణ, న్యూస్‌టుడే: జంగారెడ్డిగూడెం డిపోకు చెందిన ఆర్టీసీ బస్సుకు త్రుటిలో ప్రమాదం తప్పింది. జంగారెడ్డిగూడెం నుంచి ఆర్టీసీ బస్సు శనివారం ఉదయం ప్రయాణికులతో విజయవాడ బయలుదేరింది. గురవాయిగూడెంలోని అయ్యప్ప స్వామి ఆలయం వద్ద ముందు వెళుతున్న ఊక లారీ చోదకుడు అకస్మాత్తుగా బ్రేకులు వేశారు. దీంతో బస్సు అదుపు తప్పి లారీని ఢీకొట్టింది. లారీ వెనుక ఉన్న కర్రలను బలంగా తాకడంతో బస్సు ముందు భాగం అద్దాలు పూర్తిగా ధ్వంసమయ్యాయి. ఈ ఘటనలో ఎవరికీ గాయాలు కాకపోవడంతో అందరూ ఊపిరి పీల్చుకున్నారు. ప్రయాణికులను మరో బస్సులో పంపించారు.