వైభవంగా దేశాలమ్మ జాతర

భక్తుల సందడి

పాలకొల్లు పట్టణం, న్యూస్‌టుడే: స్థానిక చింతలతోటలోని దేశాలమ్మ అమ్మవారి జాతర సోమవారం రాత్రి ప్రారంభమైంది. పలు మండపాలు ఏర్పాటు చేసి సాంస్కృతిక కార్యక్రమాలు నిర్వహించారు. జిల్లా పరిషత్తు అధ్యక్షుడు కవురు శ్రీనివాస్‌, శాసనమండలి సభ్యుడు అంగర రామమోహన్‌, మాజీ ఎమ్మెల్సీ మేకా శేషుబాబు, డీసీఎంఎస్‌ మాజీ అధ్యక్షుడు యడ్ల తాతాజీ అమ్మవారిని దర్శించుకున్నారు.

భారీగా నిలిచిన ట్రాఫిక్‌.. జాతర సందర్భంగా లాకుసెంటర్‌ నుంచి పూలపల్లి వైజంక్షన్‌ వరకు బారికేడ్లు ఏర్పాటు చేసి రాకపోకలను నియంత్రించారు. అయ్యప్పస్వామి గుడి వద్ద నుంచి బైపాస్‌ రహదారి మీదుగా వాహనాలు మళ్లించారు. దీంతో ట్రాఫిక్‌ భారీగా నిలిచిపోవడంతో పోలీసులు క్రమబద్ధీకరించారు.