నిబంధనలు ఉల్లంఘిస్తే లీజు రద్దు

పెండ్లిమర్రి మండలం కొత్త గంగిరెడ్డిపల్లె ఇసుక రేవును

తనిఖీ చేస్తున్న తహసీల్దార్‌ ఉదయ భాస్కరరాజు, సిబ్బంది

ఈనాడు డిజిటల్‌, కడప: ఇసుక రేవుల్లో నిబంధనల మేరకు తవ్వకాలు, రవాణా చేపట్టాలని, లేనిపక్షంలో లీజు రద్దు చేస్తామని పెండ్లిమర్రి తహసీల్దారు ఉదయ భాస్కరరాజు హెచ్చరించారు. ‘ఈనాడు’లో శనివారం ‘ఇసుక తోడేస్తున్నారు!’ శీర్షికన ప్రచురితమైన కథనంపై స్పందించారు. సిబ్బందితో కలిసి పాపఘ్ని నదిలోని కొత్త గంగిరెడ్డిపల్లె ఇసుకరేవును పరిశీలించి అక్కడి సిబ్బందితో మాట్లాడారు. అనుమతులు పొందిన మేరకు నిబంధనలకు లోబడి తవ్వకాలు జరపాలని, వేబిల్లులు పారదర్శకంగా జారీ చేయాలని ఆదేశించారు. నిత్యం నిఘా ఉంటుందని, అక్రమాలకు ఆస్కారం లేకుండా జాగ్రత్తలు తీసుకోవాలని సూచించారు.