ఆటో ఢీకొని మహిళ దుర్మరణం

సరస్వతి (పాతచిత్రం)

చాపాడు, న్యూస్‌టుడే: మండలంలోని మైదుకూరు-ప్రొద్దుటూరు రహదారిపై పల్లవోలు వద్ద ఆగి ఉన్న ఆటోను టిప్పరు ఢీకొని మల్లెల సరస్వతి (46) మృతి చెందినట్లు ఎస్‌ఐ డాక్టర్‌నాయక్‌ తెలిపారు. మంగళవారం రాత్రి కడప నుంచి సునీత అనే నిండు గర్భిణిని ప్రసవం నిమిత్తం ఆటోలో ప్రొద్దుటూరుకు తరలిస్తూ మార్గమధ్యలో దుప్పటి కోసం పల్లవోలు వద్ద ఆగారు. ఇంతలో వెనుక నుంచి వచ్చిన ఓ టిప్పర్‌ ఆటోను ఢీకొంది. ఆటో ముందు నిలుచుకుని ఉన్న మల్లెల సరస్వతి అనే మహిళను ఢీకొనడంతో ఆమె  అక్కడికక్కడే మృతిచెందారని ఎస్‌ఐ తెలిపారు. ఈమె పల్లవోలు గ్రామస్థురాలని చెప్పారు. ఆటోలో ప్రయాణిస్తున్న సునీత కుటుంబీకులైన అయిదుగురికి గాయాలయ్యాయి. వీరంతా దువ్వూరుకు చెందిన వారుగా గుర్తించామన్నారు. మృతురాలికి భర్త, ఇద్దరు కుమార్తెలు, ఒక కుమారుడు ఉన్నారు.