గర్భిణులకు వైద్యుల పర్యవేక్షణ అవసరం

కలసపాడు: ప్రాథమిక ఆరోగ్య కేంద్రాన్ని పరిశుభ్రంగా ఉంచాలని డిప్యూటీ డీఎంహెచ్‌వో చంద్రహాసరెడ్డి తెలిపారు. గురువారం ఆయన కలసపాడు పీహెచ్‌సీని ఆకస్మికంగా తనిఖీ చేశారు. పలు రికార్డులు పరిశీలించారు. వార్డులు, బెడ్‌షీట్లు సరిగా లేనట్లు గుర్తించారు. వాటిని సక్రమంగా ఉండేలా చూడాలని సిబ్బందిని ఆదేశించారు. రక్తపోటు, మధుమేహం రోగులకు మందులు అందుబాటులో ఉండాలన్నారు. గర్భిణులపై క్రమం తప్పకుండా వైద్యుల పర్యవేక్షణ ఉండాలని తెలిపారు. మంచానికి పరిమితమైన రోగులకు ఇంటి వద్దనే చికిత్స అందించాలని కోరారు. లెప్రసీ సర్వేను సమర్థంగా నిర్వహిచాలని అన్నారు. కార్యక్రమంలో హెచ్‌ఈవో ఖాదర్‌బాషా, సిబ్బంది పాల్గొన్నారు.