వైభవంగా కడప రాయుడి రథోత్సవం

రథంపై కొలువుదీరిన  శ్రీ లక్ష్మీవేంకటేశ్వరస్వామి

మారుతీనగర్‌ (కడప), న్యూస్‌టుడే: తిరుమల తొలిగడప దేవుని కడప ఆలయ వార్షికోత్సవాలు వేడుకగా జరుగుతున్నాయి. వేడుకల్లో శనివారం రథసప్తమి సందర్భంగా రథోత్సవం నిర్వహించారు. శ్రీదేవి భూదేవి సమేతుడై కొలువుదీరిన కడప రాయుడు రథాన్ని ఆలయ మాడవీధుల్లో తిప్పారు. రథం లాగడానికి భక్తులు పోటీపడ్డారు. స్వామి, అమ్మవార్లను భక్తులు దర్శించుకుని పూజలు చేశారు. జిల్లా నలు మూలల నుంచి భక్తులు పెద్దసంఖ్యలో తరలివచ్చి రథోత్సవాన్ని తిలకించారు. ఎలాంటి ఘటనలు చోటుచేసుకోకుండా పోలీసులు బందోబస్తు ఏర్పాటు చేశారు.

భక్తులు, కళాకారుల కోలాటం

దేవుని కడప మాడవీధుల్లో రథాన్ని ఊరేగిస్తున్న భక్తులు