పోలీసులకు గురి ముఖ్యం

ఫైరింగ్‌లో మెలకువలు నేర్చుకుంటున్న పోలీసులు

కడప నేరవార్తలు, న్యూస్‌టుడే : పోలీసులకు గురి చాలా ముఖ్యమని ఏఆర్‌ డీఎస్పీ రమణయ్య అన్నారు. మొబిలైజేషన్‌ కార్యక్రమంలో భాగంగా శనివారం కడప శివారులోని రాజీవ్‌ స్మృతివనంలో ఏఆర్‌ పోలీసులకు ఫైరింగ్‌లో మెలకువలు నేర్పించారు. ఈ సందర్భంగా ఆయన మాట్లాడుతూ ఏడాదికొకసారి నిర్వహించే పునశ్చరణ తరగతులను సద్వినియోగం చేసుకోవాలని సూచించారు. పోలీసులు మరిచిపోయిన అంశాలను తిరిగి వివరిస్తారని చెప్పారు. తుపాకీ నిర్వహణ, ఎలా ఉపయోగించాలి, ఏ విధంగా గురి పెట్టాలి అనే అంశాలపై మెలకువలు నేర్పించారు. కార్యక్రమంలో ఆర్‌ఐ సోమశేఖర్‌నాయక్‌ పాల్గొన్నారు.