అంతర్‌ జిల్లాల ఫుట్‌బాల్‌ పోటీలు ప్రారంభం

ప్రారంభ కార్యక్రమంలో మాట్లాడుతున్న డీఈవో దేవరాజు

ఎర్రగుంట్ల, న్యూస్‌టుడే: ఎర్రగుంట్లలోని జడ్పీ హైస్కూల్‌ క్రీడా మైదానంలో శనివారం స్కూల్‌ గేమ్స్‌ ఫెడరేషన్‌ ఆధ్వర్యంలో ఏపీ అంతర్‌ జిల్లాల ఫుట్‌బాల్‌ టోర్నమెంట్‌ ప్రారంభమైంది. రాష్ట్రంలోని 13 జిల్లాల నుంచి 520 మంది క్రీడాకారులు, 30 మంది కోచ్‌లు, మేనేజర్లు హాజరయ్యారు. ఈ కార్యక్రమానికి ముఖ్య అతిథిగా హాజరైన డీఈవో దేవరాజు మాట్లాడుతూ క్రీడల్లో గెలుపోటములు సమానంగా తీసుకోవాలని సూచించారు. అనంతరం ప్రముఖ పారిశ్రామికవేత్త తుపాకుల పవన్‌కుమార్‌రెడ్డి మాట్లాడారు. ఈ కార్యక్రమంలో జిల్లా స్కూల్‌గేమ్స్‌ కార్యదర్శి అరుణకుమారి, పరిశీలకులు ప్రభాకర్‌, తిరుపాల్‌రెడ్డి, జిలానీబాషా తదితరులు పాల్గొన్నారు.