విద్యుత్తు తీగలు తొలగించేదెన్నడో?

న్యూస్‌టుడే, ఒంటిమిట్ట: సర్వే సంఖ్య 627లో 2.26 ఎకరాల్లో 54 మందికి ఇంటి స్థలాలు ఇచ్చారు. సర్వే నంబరు 4151లో 0.65 ఎకరాల్లో 22 మంది లబ్ధిదారులకు ఇంటి నివేశన పత్రాలు అందజేశారు. పక్కాగృహాలు మంజూరు చేశారు. కాలనీ మధ్యలో 33 కేవీ విద్యుత్తు తీగలు ఉన్నాయి. ఆరు స్తంభాలను 300 మీటర్ల తీగలను మార్పు చేయాల్సి ఉంది. రహదారి పక్కనే స్తంభాలను ఏర్పాటు చేశారు. విద్యుత్తు తీగలను మార్పుచేయలేదు. నివాస గృహాలకు అతి సమీపంలో కరెంటు తీగలు ఉండటంతో ఎప్పుడు ఎలాంటి ప్రమాదం జరుగుతుందోనని లబ్ధిదారులు ఆందోళన చెందుతున్నారు. సమస్యపై ఏఈ ఉదయ్‌కుమార్‌ను వివరణ కోరగా త్వరలో మార్పు చేస్తామని చెప్పారు.