యువగళం పాదయాత్ర చరిత్ర సృష్టిస్తుంది

తెదేపా జాతీయ ప్రధాన కార్యదర్శి నల్లారి కిశోర్‌కుమార్‌రెడ్డి

లోకేశ్‌తో నల్లారి కిశోర్‌కుమార్‌రెడ్డి

కలికిరి, న్యూస్‌టుడే: తెదేపా జాతీయ ప్రధాన కార్యదర్శి నారా లోకేశ్‌ చేపట్టిన యువగళం పాదయాత్ర సరికొత్త చరిత్ర సృష్టిస్తుందని, భవిష్యత్తు తరాలకు స్ఫూర్తిగా నిలుస్తుందని ఆ పార్టీ జాతీయ ప్రధాన కార్యదర్శి నల్లారి కిశోర్‌కుమార్‌రెడ్డి తెలిపారు. కుప్పం నియోజకవర్గంలో జరుగుతున్న యువగళం పాదయాత్రలో సోమవారం నల్లారి కిశోర్‌కుమార్‌రెడ్డి మమేకమయ్యారు. ఈ సందర్భంగా ఆయన మాట్లాడుతూ.. పాదయాత్రకు ప్రజల నుంచి అపూర్వ స్పందన లభిస్తోందని చెప్పారు. అన్ని వర్గాల ప్రజలు ఎంతో ఉత్సాహాన్ని కనబరుస్తున్నారని పేర్కొన్నారు. పుంగనూరు నియోజకవర్గ తెదేపా ఇన్‌ఛార్జి చల్లా రామచంద్రారెడ్డి, కలికిరి, పీలేరు మండలాల నుంచి భారీ సంఖ్యలో తెదేపా నాయకులు, కార్యకర్తలు పాల్గొన్నారు.