లోకేశ్‌ ప్రచార వాహనం జప్తుపై ఆందోళన

నారా లోకేశ్‌ వాహనాన్ని జప్తు చేసినందుకు నిరసనగా ఆందోళన

చేస్తున్న మాజీ ఎమ్మెల్యే రమేశ్‌, తెదేపా శ్రేణులు

మదనపల్లె పట్టణం, న్యూస్‌టుడే : పలమనేరు నియోజకవర్గంలో తెదేపా జాతీయ ప్రధాన కార్యదర్శి నారా లోకేశ్‌ ప్రచార వాహనాన్ని జపు చేస్తే సహించేదిలేదని మాజీ ఎమ్మెల్యే, నియోజకవర్గ తెదేపా బాధ్యుడు దొమ్మలపాటి రమేశ్‌ హెచ్చరించారు. గురువారం పలమనేరు నియోజకవర్గంలో జరిగిన యువగళం పాదయాత్రలో నారా లోకేశ్‌ ప్రసంగం అనంతరం వాహనాన్ని జప్తు చేయడానికి పోలీసులు సిద్ధం కావడంతో, విషయం తెలుసుకున్న మాజీ ఎమ్మెల్యే దొమ్మలపాటి అక్కడికి చేరుకుని పోలీసులను అడ్డుకున్నారు. అనంతరం పోలీసు అధికారులతో మాట్లాడారు. పోలీసులు వాహనాన్ని జప్తు చేయడంలేదని చెప్పడంతో వాహనాన్ని తీసుకెళ్లారు. కార్యక్రమంలో యువ నాయకుడు యశశ్విరాజ్‌ పాల్గొన్నారు.