జిల్లా పర్యటనకు ప్రభుత్వ ప్రధాన కార్యదర్శి

రాష్ట్ర ప్రభుత్వ ప్రధాన కార్యదర్శి జవహర్‌రెడ్డికి స్వాగతం పలుకుతున్న కలెక్టర్‌ విజయరామరాజు

జిల్లా సచివాలయం, న్యూస్‌టుడే : రాష్ట్ర ప్రభుత్వ ప్రధాన కార్యదర్శి జవహర్‌రెడ్డి గురువారం రాత్రి కడప నగరానికి చేరుకున్నారు. రేణిగుంట నుంచి రోడ్డు మార్గంలో కడపకు బయలుదేరగా రేణిగుంట విమానాశ్రయంలో కడప కలెక్టర్‌ విజయరామరాజు, జాయింట్‌ కలెక్టర్‌ సాయికాంత్‌వర్మ స్వాగతం పలికారు. అక్కడి నుంచి రోడ్డు మార్గంలో కడప నగరానికి చేరుకుని ప్రభుత్వ అతిథిగృహంలో బసచేశారు. శుక్రవారం ఉదయం సింహాద్రిపురం మండలం భానుకోట చేరుకుని ఆలయంలో ప్రత్యేక పూజలు నిర్వహిస్తారు. అనంతరం ముద్దనూరు మండలంలోని ఉన్నతపాఠశాలను పరిశీలిస్తారని సమాచారం.