విద్యుత్తు ఉత్పత్తి... దీపాలు ఉత్తుత్తి!

రాయలసీమ ప్రాంత వెలుగుల దివ్వె.. ఎర్రగుంట్లలోని రాయలసీమ తాప విద్యుదుత్పత్తి కేంద్రం (ఆర్టీపీపీ) ప్రాంతంలో విద్యుత్తు దీపాల వెలుగులు లేక అంధకారం నెలకొంటోంది. కేంద్రం ముంగిట ఏర్పాటు చేసిన విద్యుత్తు దీపాలు దెబ్బతిని దాదాపు ఏడాది కావస్తున్నా పట్టించుకునేవారు కరవయ్యారు. ఈ మార్గంలో రాకపోకలు సాగించే ఉద్యోగులు, స్థానికులు నిత్యం తీవ్ర అసౌకర్యానికి గురవుతున్నారు. అంధకారంతో పలు ప్రమాదాలు చోటుచేసుకోవడమే కాకుండా ప్రాణనష్టం కూడా జరగడం గమనార్హం. ఈ విషయమై ఆర్టీపీపీ సీఈ మురళీకృష్ణ మాట్లాడుతూ పనిచేయని విద్యుత్తు దీపాలను వినియోగంలోకి తీసుకొస్తామన్నారు.

న్యూస్‌టుడే, ఎర్రగుంట్ల