రామయ్య క్షేత్రంలో భక్తులపై తేనెటీగల దాడి

ఒంటిమిట్ట, న్యూస్‌టుడే : ఒంటిమిట్ట కోదండరామాలయం దర్శనం కోసం వచ్చిన భక్తులపై తేనెటీగలు దాడి చేశాయి. రామయ్య క్షేత్రంలో శనివారం ఉదయం 9.30 గంటల సమయంలో ఆలయ ప్రాంగణంలో చలువ పందిళ్ల పనులు జరుగుతుండగా ఇనుప పైపులు కింద పడ్డాయి. కోతులను బెదరగొట్టడానికి బాణసంచా కాల్చారు. ఆ శబ్దాలకు తూర్పు ద్వారం గోపురం పైన ఉన్న తుట్టె నుంచి తేనెటీగలు లేచాయి. భక్తులు, బ్రహ్మోత్సవాల ఏర్పాట్ల పనులు చేస్తున్న కార్మికులు, మాడ వీధుల్లో చిరువ్యాపారులపై దాడిచేశాయి. గాయపడినవారికి స్థానిక వైద్యశాలలో చికిత్స చేశారు.