అసభ్యకర పోస్టులపై ఫిర్యాదు

సైబర్‌క్రైం ఎస్‌ఐకి వినతిపత్రం అందిస్తున్న తెదేపా నేతలు

అరవిందనగర్‌ (కడప), న్యూస్‌టుడే : తెదేపా అధినేత చంద్రబాబునాయుడు, ఆయన కుటుంబంపై అసభ్యకర పోస్టులు పెట్టిన వ్యక్తిపై కేసు నమోదు చేసి, చర్యలు తీసుకోవాలని తెదేపా జిల్లా ప్రధాన కార్యదర్శి వికాస్‌ హరికృష్ణ సైబర్‌క్రైం పోలీసులకు శనివారం ఫిర్యాదు చేశారు. ఈ సందర్భంగా ఆయన మాట్లాడుతూ ఓ వైకాపాకు చెందిన కొంతమంది తెదేపా అగ్రనాయకత్వంపై అసభ్యకరమైన పోస్టులు పెడుతున్నారన్నారు. రంజాన్‌మాసంలో హిందూ, ముస్లింల ఐక్యతను దెబ్బతీసే విధంగా మతాల మధ్య చిచ్చురేపేలా పోస్టులున్న నేపథ్యంలో వాటిని రూపొందించిన వ్యక్తిపై చట్టపరమైన చర్యలు తీసుకోవాలని కోరారు. కార్యక్రమంలో నాయకులు శ్రీనివాసులు, ఖాజా, భరత్‌కుమార్‌, అనిల్‌ తదితరులు పాల్గొన్నారు.