భార్య తీరుపై మనస్తాపంతో భర్త బలవన్మరణం

అక్బర్‌బాషా (పాతచిత్రం)

ములకలచెరువు గ్రామీణ, న్యూస్‌టుడే : భార్య ప్రవర్తనపై అనుమానం, ఆమె తీరుపై మనస్తాపం చెందిన భర్త ఉరేసుకొని ఆత్మహత్యకు పాల్పడిన ఘటన ఆదివారం ములకలచెరువులో చోటు చేసుకుంది. కుటుంబ సభ్యులు, పోలీసుల కథనం మేరకు... ఉమాశంకర్‌ కాలనీకి చెందిన ఎస్‌.అక్బర్‌బాషా (36) వివాహం అయి కుమారుడు, కుమార్తె ఉన్నారు. అక్బర్‌బాషా స్థానికంగా ఓ బేకరిలో పనిచేస్తున్నాడు. వీరింట¨కి సమీపంలోనే ఉన్న వినోద్‌కుమార్‌ కొంతకాలంగా అక్బర్‌ బాషా భార్యతో చనువుగా ఉంటున్నాడు. ఈ నెల 23న వినోద్‌కుమార్‌తో తన భార్య సన్నిహితంగా మెలుగుతుండడం చూసిన అక్బర్‌బాషా ఇది పద్ధతి కాదని భార్యను మందలించాడు. విషయం తెలుసుకున్న వినోద్‌కుమార్‌ అక్బర్‌బాషాతో గొడవపడ్డాడు. నీ భార్యతో మాట్లాడుతూనే ఉంటానంటూ బహిరంగంగానే చెప్పడంతో చుట్టుపక్కల వారంతా మందలించి పంపేశారు. అవమానాన్ని తట్టుకొలేక మనస్తాపంతో అక్బర్‌బాషా తన చావుకు వినోద్‌కుమారే కారణం అంటూ సామాజిక మాధ్యమాల్లో విడియో పెట¨్ట ఇంట్లో ఎవరూ లేని సమయంలో ఫ్యాన్‌కు ఉరేసుకొని ఆత్మహత్య చేసుకున్నాడు. మృతుడి తండ్రి ఎస్‌.బాషా ఫిర్యాదు మేరకు వు పోలీసులు కేసు నమోదు చేశారు. ఘటనా స్థలానికి చేరుకున్న ఎస్‌.ఐ. డీవై స్వామి చుట్టు పక్కల వారిని విచారించారు. మృతదేహాన్ని శవపరీక్ష నిమిత్తం మదనపల్లె ప్రభుత్వ ఆసుపత్రికి తరలించారు. కేసు నమోదు చేసి దర్యాప్తు చేస్తున్నట్లు ఎస్సై పేర్కొన్నారు.