క్రీడలతో మానసికోల్లాసం : కలెక్టర్‌

బ్యాటింగ్‌ చేస్తున్న కలెక్టర్‌ గిరీష, ఫీల్డింగ్‌   చేస్తున్న ఎస్పీ హర్షవర్ధన్‌రాజు

రాయచోటి, న్యూస్‌టుడే: క్రీడలు  మానసికోల్లాసాన్నిస్తాయని కలెక్టర్‌ గిరీష పేర్కొన్నారు. రాయచోటిలోని జిల్లా పోలీసు కార్యాలయ ప్రాంగణంలో గురువారం కలెక్టర్‌ వర్సెస్‌ ఎస్పీ జట్ల మధ్య క్రికెట్‌ పోటీలు ఆసక్తికంగా జరిగాయి. టాస్‌ గెలిచి తొలుత బ్యాటింగ్‌ ఎంచుకున్న ఎస్పీ జట్టు నిర్ణీత 20 ఓవర్లలో ఆరు వికెట్లు కోల్పోయి 222 పరుగు చేసింది. అనంతరం 223 పరుగుల లక్ష్యంతో బ్యాటింగ్‌కు దిగిన కలెక్టర్‌ జట్టు 112 పరుగులకే ఆలౌటై 111 పరుగుల తేడాతో ఓటమిపాలైంది. తమ బ్యాటింగ్‌, బౌలింగ్‌తో కలెక్టర్‌, ఎస్పీ హర్షవర్ధన్‌రాజు ఆకట్టుకున్నారు. స్నేహపూర్వక వాతావరణంలో ఉద్యోగులందరూ క్రికెట్‌ పోటీల్లో  పాల్గొనడం అభినందించదగ్గ విషయమని ఎస్పీ అన్నారు. పోటీల్లో ఆర్డీవో రంగస్వామి, పోలీసు, రెవెన్యూ శాఖల ఉద్యోగులు పాల్గొన్నారు.