రహదారి నిర్మాణంపై నిర్లక్ష్యం తగదు

రహదారి నిర్మాణ పనులను పరిశీలిస్తున్న తులసిరెడ్డి

వేంపల్లె, న్యూస్‌టుడే: వేంపల్లె-రాయచోటి మార్గంలో చేపట్టిన నాలుగు వరుసల రహదారి నిర్మాణంపై నిర్లక్ష్యం తగదని రాష్ట్ర కాంగ్రెస్‌ మీడియా సెల్‌ ఛైర్మన్‌ తులసిరెడ్డి పేర్కొన్నారు. వేంపల్లె మార్గంలో చేపట్టిన రోడ్డు పనులను గురువారం ఆయన పరిశీలించారు. ఈ సందర్భంగా ఆయన మాట్లాడుతూ వేంపల్లె-రాయచోటి మార్గంలో కొత్తగా నాలుగు వరుసల రోడ్డు మంజూరైందన్నారు. ఈ మేరకు గుత్తేదారు రోడ్డు అంతటిని తవ్వేశారన్నారు. రెండేళ్లు కావస్తున్న పాతరోడ్డు స్థానంలో కొత్తరోడ్డు నిర్మాణం పూర్తిచేయలేదన్నారు. రోడ్డు సరిగా లేని కారణంగా గంట ప్రయాణానికి రెండు గంటలకు పైగా సమయం పడుతోందన్నారు. ఇప్పటికైనా సంబంధిత అధికారులు గుత్తేదారుపై ఒత్తిడి తెచ్చి రోడ్డు నిర్మాణ పనులు త్వరితగతిన పూర్తిచేయాలని ఆయన కోరారు.