భువనేశ్వరికి జిల్లా నాయకుల పరామర్శ

రాజమహేంద్రవరంలో సంతకం చేస్తున్న తెలుగుదేశం పార్టీ కడప ఇన్‌ఛార్జి మాధవిరెడ్డి,
పక్కన పొలిట్‌బ్యూరో సభ్యుడు శ్రీనివాసరెడ్డి

అరవిందనగర్‌(కడప), న్యూస్‌టుడే: తెదేపా అధినేత చంద్రబాబు సతీమణి భువనేశ్వరిని వైయస్‌ఆర్‌ జిల్లాకు చెందిన పలువురు నాయకులు బుధవారం రాజమహేంద్రవరంలో పరామర్శించారు. తెదేపా పొలిట్‌ బ్యూరో సభ్యుడు రెడ్డప్పగారి శ్రీనివాస్‌రెడ్డి, ఆయన సతీమణి, కడప అసెంబ్లీ నియోజకవర్గ ఇన్‌ఛార్జి మాధవీరెడ్డి భువనేశ్వరిని కలిశారు. చంద్రబాబు అరెస్టు అన్యాయమని, ప్రజలంతా చంద్రబాబు వెంటే ఉన్నారని.. ధైర్యంగా ఉండాలని కోరారు. అనంతరం లోకేశ్‌ శిబిరం వద్ద చంద్రబాబుకు సంఘీభావం తెలుపుతూ సంతకాలు చేశారు.